sunnudagur, mars 12, 2006

Skumfidus...

Myndir eru komnar inn frá því að við skelltum okkur til Svíþjóðar í lok febrúar. Við höfðum ekkert að gera svo við eyddum bara deginum í Helsingborg. Svo eru þetta einnig myndir frá síðasta þriðjudegi þegar ég og Lovísa komum heim frá New York en við fengum ekkert að hvíla okkur því að við sem erum í dönsku áttum að elda heima hjá Rikke kennaranum okkar. Sem þýðir að það séu bara við íslendingarnir og Ugne. Þannig að við elduðum pítur með íslensku pítusósunum mínum... og þær kláruðust að sjálfsögðu...

Í gær voru 200 gestir í skólanum, það var vinahelgi og einnig komu fullt af foreldrum. Um daginn var svaka dagskrá þar sem að við þurfum að vera í tímum yfir daginn til þess að fólk gæti séð hvernig hlutirnir fara fram. Ég þurfti að vera í videohópnum mínum og vorum við bara að klippa myndina okkar meðan að fólk gekk hjá. Svo eftir tíma þá var dagskrá í Store Sal þar sem að kórinn söng, þeir sem eru að læra að halda ræður héldu ræður og sönghópurinn söng og fullt bara, svaka stemning. Svo um kvöldið var búið að skreyta allan salinn og búa til bar uppi á sviði þar sem að kennararnir voru að blanda kokteila og selja bjór. Það var einnig hljómsveit að spila sem var ekkert of góð þannig að við vorum til skiptis inni í sal og í herbergispartýi :) Einnig blönduðum við okkur White Russian og óðum uppi, eins og alltaf.

Svo náði ég að klára video fyrir adidas sem er búið að taka sinn tíma og það var mjög strembið að koma því heim í tíma, en við náðum því loksins eftir 9 tíma í tölvunni og pabbi brenndi það á disk og skutlaði því í vinnuna. Þá var ég glaður, en viti menn, enginn spilari tók videoið þannig að pabbi gamli þurfti að skutla tölvunni sinni niður á Argentínu steikhús og spila þetta surprise video fyrir þau, en, það tókst á endanum sem betur fer...

Jæja ég er farinn að borða pizzu

Skrifað klukkan 12:57 |